طريقة عمل ورقة اللحمة "بطعم زماااان"

 من اجمل وأسرع الوصفات علي الغدا وصفة ورقة اللحمة المشوية  في الفرن. 

احلي وأسرع ورقة لحمة بطعم ممتاز.

المقادير.

*كيلو لحمة مقطعة مكعبات. 

*ربع كيلو بطاطس.

*ربع كيلو جزر.

* فلفل حار.

* عودين كرفص.

*ورق لورا.

* ملعقة صغيرة كمون.

*ملعقة كبيرة توم مفروم.

ملعقة ملح.

*ملعقة فلفل أسود.

*ملعقة من البهارات السبعة .

* كيلو بصل مقطع جوانج ( البصل بيكون قد كميه اللحمة).

الطريقة.

- نضيف علي البصل المقطع جوانج كل التوابل ونقلهم مع بعض جيدا حتي يتشرب البصل من كل التوابل، ثم نضيف

 عليهم الثوم ونقلبهم جيدا.

- ثم نضيف علي البصل والتوابل البطاطس ، والجزر،والفلفل، ونقلبهم مع بعض جيدا.

- ننزل باللحمة علي كل الخليط ونقلبهم جيدا.

- ثم نضيف علي الخليط ملعقتين صلصة وحبة طماطم مقطعة طرنشات.

- ثم نحضر صنيه ونضع بها ورقتين المونيوم واحدة بالطول وواحدة بالعرض، وبعدها نحط ورقتين زبدة واحدة بالطول وواحدة بالعرض.  ثم نضيف كل الخليط في الصينية ونبدأ نقفلها جيدا .

وفي فرن عالي ندخل الصينية لمدة عشرة دقائق ، بعد ذلك نوطي الفرن عند درجة ١٦٠ وننقل الصينية علي الشبكة لمدة ساعتين. 

وبالف هنا وشفا وممكن نقدم معها ارز بسمتي أو ارز بشعرية.